Published Jan 29:2023
اسلام آباد: وفاقی حکومت نے اتوار کو پیٹرول اور ڈیزل کی قیمت میں 35 روپے فی لیٹر اضافے کا اعلان کردیا۔
وفاقی وزیر خزانہ اسحاق ڈار نے پریس کانفرنس کرتے ہوئے پیٹرول اور ڈیزل کی قیمت میں 35 روپے فی لیٹر اضافے کا اعلان کیا۔
قیمتوں میں تبدیلی کے بعد اب پیٹرول 249.80 روپے اور ڈیزل 262.80 روپے فی لیٹر میں دستیاب ہوگا۔
ادھر ہائی اسپیڈ ڈیزل اور مٹی کے تیل کی قیمت میں 18 روپے کا اضافہ ہوا ہے۔
ہائی اسپیڈ ڈیزل کی نئی قیمتیں 187 روپے اور مٹی کے تیل کی قیمت 189 روپے 83 پیسے ہے۔
اسحاق ڈار نے کہا کہ گزشتہ 4 ماہ میں پیٹرولیم مصنوعات کی قیمتوں میں اضافہ نہیں کیا گیا، ڈیزل اور مٹی کے تیل کی قیمتوں میں بھی اس عرصے میں کمی ہوئی۔
