Published June 25:2023
لاہور: احتساب عدالت نے سابق وزیراعظم میاں محمد نواز شریف کو جنگ گروپ کے ایڈیٹر انچیف میر شکیل الرحمان کو 1986 میں پلاٹوں کی مبینہ غیر قانونی الاٹمنٹ کے ریفرنس سے بری کر دیا۔
عدالت نے یہ حکم نواز شریف کے بھانجے یوسف عباس اور دیگر کی درخواستوں پر دیا جس میں بظاہر نواز شریف کی ملکیتی جائیدادوں کی نیلامی کو چیلنج کیا گیا تھا۔
انہوں نے اثاثوں کی ملکیت کا دعویٰ کیا، عدالت کی جانب سے مقدمے کی کارروائی میں مسلسل غیر حاضری کے باعث سابق وزیراعظم کو اشتہاری قرار دیے جانے کے بعد انہیں نیلام کرنے کا حکم دیا گیا۔
نیلامی پر اعتراض کرنے والے درخواست گزاروں کا کہنا تھا کہ اثاثے مالکان کے قانونی وارث ہونے کی وجہ سے انہیں منتقل کیے گئے ہیں۔
اس سے قبل، ان کے وکیل نے عدالت کے سامنے دلائل دیتے ہوئے کہا کہ پرنسپل ملزم اور لاہور ڈویلپمنٹ اتھارٹی (ایل ڈی اے) کے دو سابق افسران کو ریفرنس میں پہلے ہی بری کر دیا گیا ہے، یہ ثابت ہوتا ہے کہ کبھی کوئی جرم نہیں کیا گیا۔
وکیل نے مزید کہا کہ مرکزی ملزم کی بریت کے بعد اشتہاری سمیت کسی دوسرے ملزم کے خلاف کارروائی کو زیر التوا رکھنے کا کوئی فائدہ نہیں ہوگا۔
عدالت نے وکیل کے دلائل کے بعد نواز شریف کو ریفرنس سے بری کردیا۔
ٹرائل کورٹ نے میر شکیل الرحمان، سابق ڈائریکٹر جنرل ایل ڈی اے ہمایوں فیض رسول اور اس کے سابق ڈائریکٹر لینڈ ڈویلپمنٹ ڈیپارٹمنٹ میاں بشیر احمد کو 31 جنوری 2022 کو بری کر دیا۔
