Published February 03:2024
لاہور کی انسداد دہشت گردی کی عدالت (اے ٹی سی) نے جمعہ کو 9 مئی کے دوران عسکری ٹاور، گلبرگ پر حملہ کرنے کے مقدمے میں ملوث 8 ملزمان کی بعد از گرفتاری ضمانت منظور کر لی۔ عدالت نے ملزمان محمد احمد قاضی، محمد عمر، سمیر بیگ، محمد ضیغم، رئیس احمد، محمد خالد، وسیم زمان اور علویم مسیح کو ہدایت کی کہ وہ ضمانت میں ریلیف حاصل کرنے کے لیے دو دو لاکھ روپے کے ضمانتی مچلکے جمع کرائیں۔ اے ٹی سی کے جج محمد نوید اقبال نے ملزمان کی بعد از گرفتاری ضمانت کی درخواستوں پر سماعت کی اور استغاثہ اور وکیل دفاع کے دلائل مکمل ہونے پر فیصلہ سنایا۔ گلبرگ پولیس نے 9 مئی کے ہنگاموں کے دوران عسکری ٹاور پر حملے کے الزام میں پاکستان تحریک انصاف کے رہنماؤں اور کارکنوں کے خلاف مقدمہ درج کیا تھا۔
